मोनसे पिरामिड जिउनि

एखमबा नोँनि आंनि गेजेरनि बिसुब हांखोआबो दोरोदो पिरामिडनि खेखे मिनिनायाव गासै बारमण्डलानो गोमोहाबो। सारअन्थाइ गावो बावबुलि राजाया बाथौ बोरायनि थोबसे बुहुमखौ लैथोआव सोमब्रना गगा मोनहोयो बेसेबां खारनो आलारि दामब्रा सिबाय! आंनि जेयाव नांफैदोँमोन नोङो मानोना आं बेमा आंनो माख्राबो सान्दो बावदियानि माया जेयाव आसागि बैसागिया नांफैनायबादि खेराय होनांगौ जाबाय दिनै। एखमबा नोँ थायो खोला मिरु आरो आं थायो सामिरुआव नाथाय आं नोँखौ मोजां मोनो दैसाया दैमाखौ मोजां मोन्नायबादि हाया हाखौ गोबाना लानायबादि। मानोना अनजालि नोँ आंनि मेगन नोँ आंनि खोमा आरो गन्थं आरो आंनि जिउ नोङो नोँ आरो आं जोँ सानैखौबो अख्रांआ लेँहरो जायख्लं जानानै। हाजोआ लेँहरो जोमैया लेँहरो दाहा एंगारनाय गुफुर दाउथुआ लेँहरो जोँ बिनिनो गांखंआव गोबायो। बारा खुदुम फैयो आंनि आंनि होन्नानै बसुमतारीया लेँहरो बिखा फुवारनानै।