मोनसेल' थै नांनाय सोदोब दंसै आंनि बिखायाव
R
0
Altın Yaprak
जेसेनो हरथौलाङो एसेनो आंनि तपस्या जामलांबाय थादों
मोनफा मोनफा दावहानि खुद्रिनाय जुगुमनाय सावगारिफोरा
गोदान जानानै आंनि बिखानि मावनायखौ होसिनफैबाय थादों
गले गले बिसोर हां गैजायै खालामनो नाजादों आंखौ
लामानि हाद्रिफोरा
दैमा दैसानि खुवा खुनाया
नख्रांनि हाब्रु नांनाय जोमैफोरा
मानसिनि नांज्लाय खमज्लायखौ रानसारनानै होदों
बांसिन थैनि सोमोनदो सिफायनानै नांज्लाय खमज्लाय सोमजिहोदों
आरो हर सान मुं हुखुमोरलायनि दावहा फाथिनो नाजादों
होबथानो नाजादों दावहा फोजोबनो नाजानाय आंनि तपस्याखौबो
बारा सोदोब गैलिया आंनि बिखायाव
सेजोबनानै लांबाय बिसोर बोख्लाब बोख्लिब
मोनसेल' थै नांनाय सोदोब दंसै आंनि बिखायाव
उदांस्रि लुबैसुला बेयो
गोजोन लुबैसुला बेयो
उदैनि उखैनांनाय होखारनो लुबैग्रा बेयो
खौसेथि आरो अनज्लायनाय लुबैसुला बेयो
बेखौनो हाथिर खालामनानै नोंनो होगोन आं
जुदि नों बुङो दावहाखौ आं फोजोबसिन
आरो मोनसे गोदान उदांस्रि सोरजिसिगोन
गावनिनो गासै लुबैनाय आरो सेनो नाजानायखौ बोखारनानै
Bu şiiri puanla
Henüz puan verilmemiş