मासे बांबुला दाउबादि

दाउमासारनि गां बुब्राबनायावनो खोमसिया खारलाङोब्ला दाउमासारआनो आंनि गोसोनि सिबिनां गिरि जागौमोन नाथाय आं दाउमासारखौनो माब्लाबा फानआव फोनांबाय दा खोमसिदों ना सोरांनो लामा लादों बुंनोनो हालिया आं थेवबो फागुण फैदों ना जेथोआ फैदों मिथिगौ आङो जेरै गोजां बोथोर ना गोलोम बोथोर फैदों हांसोनि गांआ मिथियो आं दा बेसेबां सांग्रां बिदिन्था आरो बोथोरखौ लानानै? मिथिगौ अरखौ खामनाय नुनानै अरखौ बालाजों खुबैथारनांगोन खुन्दुं थुननो रोङै सिख्लाआ खुन्दुंखौ दाय होयो खुन्दुंआदि बेसेबां उगुल नाङो इसानआव सिबाय आंनि जांगिला फाइखिफोर रोनआव दै गरथसे लोंनोबो सम मोना दैखौ उद गाद'बादि लोंनानै लाखानायआनो साबसिन जोंनि आबादथिलिआव जोंनि बिखुंआव सानआ खुसेरब्लाबो जों गोरलैयैनो सायख्लुमखौ अख्रां नायदावनानै मोनखाया बारदै सिख्लाया लांगा फाननानै जेसेबांखि मोसाया बे बारआव गासै बुब्लिनि दखना फालिआव अर नांबाय बोरिआव गाखोनाय दैसानि नानि गांआ खामजादों अख्रांआव बिरदावनाय जाहारनि दाउनि गांआ खामजादों हाआव आदार खनजा फैनाय अख्रांनि दाउसिननि गांआ खामजादों अरआ खामदों ना खाममाराखै खामजाग्राया मिथियो बेखायनो जायफोर जायफोर गिलुबालु खामजादों होसिख्रावदों नै फाफिफोर नोंसोर बे आखायाव लानाय अरखौ माबार खोमोर नङाब्ला गोदोनाखौ सेरथेनानै जों मोस्रोमनो बोगार होथारगोन