मेथाइनि गुदि खिथा मेथाइ
R
Ronjoy Brahma
0
Altın Yaprak
आं दावबायो मेथाइनि खबामजों
देंखोनि बिखुंआव गाखोनानै
मेथाइनि खबामनि गांखंआव गाखोनानै
आं दावबायो बे मुलुग बै अख्रांआव
समायनानि न' नागिरै नागिरै
गोजोननि सावगारि संदानै संदानै
खोमसिनि बिखा बोखावना नागिरो आं
इयुन जोलैनि सुदेम आरो दुंब्रुद हाबिला
बे मुलुगा खुवा बिरफुंनाय
हाद्रिजों गलायनाय हाव हाव बार
बेखौ जाख्रिसे अखाजों फाहामनो थाखाय
दावबायो आं अखानिसिम
आंनि मेथाया गांखं फुवारो
आरो आं दावबायो अख्रां अख्रां
गासै मुलुगनि खना-खनलानि थावनि
मेथाइनि गांखंनि खबामनि देंखोआव हमनानै
Bu şiiri puanla
Henüz puan verilmemiş