मोदैनि रुगुं नागिरै नागिरै
R
Ronjoy Brahma
0
Altın Yaprak
सोँनांगौ गैयाब्ला सोङैयानो मोजां
अनजालि नोँ मिथिखागौ
मोदैनि रुगुं नागिरै नागिरै
आं मोदैयावनो गोजोमना थायो
नाथाय सोंलुआ बेल' नोँनि?
बेखौबो आं मिथिगौ
नोँ गाबोन आरोबाव सोँगोन
नोँ माब्ला गाबो हब्रा हब्रा?
इयुन बिदिन्थानि सिउ सिउ बाराव
रिउ रिउ बेसेबा गोजानाव
नोँजोँ आंजोँ गोसो मोनसेनि गेजेराव
बुंनो गोनां जाबावगोन आंबो
आं माब्ला गाबा?
खोमसिनि खौगा सिङाव
हां गहां गहां जायोब्ला
आं गाबदोँमोन राहा नागिरै नागिरै
आरोबाव बेसेबा जार्ला
नोँखौ लोगो मोन्नायनि उनावबो
आदमनि खुद्रिनाय आरो
नोँखौ बावलांनो नाजानाय सम सम
थेवबो जोँ गोथाङै दं
मिथिँगाबादि गुस्लायै गुस्लायै
गाथोन गाथोन हान्थिबाय जोँ
अब्लानो आं गाबदोँमोन नोँनि थाखाय
नोँ बुंनो हाया रजे
आं गाबलिया होन्नानै
नोँनो आंबो समाय होनो हाया
मानोना अराय सोलासुलि गोसोआ
Bu şiiri puanla
Henüz puan verilmemiş