नों आंजों समायगोन ना समाया
R
Ronjoy Brahma
0
Altın Yaprak
मानसिफोरा फेद फेद बुङो
दाहा होफैग्रा खोमसिसिनि बाथ्राखौ मेरु खालामनानै
आं खोमसिखौनो दोंसे मिट बादिसो मोनो
जेराव जमदुद खालदुद मोसा लख्राया मुजिथाव फाव खालामो
सानसेखालि खोमसियानो आंनिबो साबसिन सममोन
सान ओंखारनायनि खौरांखौ दाउसिन-दाउलानो फोरमायनाङा
बिबारनो फोरमायनाङा दाउसिननि मेथाइ
बिबारा गावनो लेंहरो फाइलि गेवलांनानै मोदोमफ्रु बारखोलोआव
आंनि गोसोनि बाथ्राखौ बुजिया नों
अब्लाबो बबा जानानै आं नोंनि मोखांसिम हान्थिबाय
आरो नों सिनाया आंनि मोखां
सानथ्रहायै मोखां बे मुलुगाव
आंदि सासे जोहोलाव; नङाब्ला माथो?
आं जिउनि आयदाखौ सोलायनो नाजायो
जिउखौ सोलायथारनांगोन
आंनि गोसोआ एखमबा एखमबा दुगाजोंनो
गिबि मन्थ्रिनि मटरबादि हुर खारलाङो नोंनि सेरजों
नाथाय नोंजों आं गावखौनो खेबसे रुजुना नायो
नों आंजों समायगोन ना समाया?
आं गामिनि सेंग्रा
मोदैयानो बोहैबाय थायो बड'लेण्डनि गामियाव
गामिखौ फुवारनांगौ
समजों सोरजिनाय मावदिहुन
Bu şiiri puanla
Henüz puan verilmemiş