निहिरआ खुदुमो आंखौ
R
Ronjoy Brahma
0
Altın Yaprak
अख्रां फारसे नायहरबाय थायो आं
अखाफोरनि सोरांआव हाथर्खि
हाथर्खिनि सोरांआव नागिरो अखाफोर
माब्ला फुर्णिमा जागोन सान्नानै
निहिर सिजा सिजा
आंनि खर' आरो सोलेरआ
जोबोद गुसुसिन जाबाय
खोला मेरुनि बरपजोँ दुगैनाय फेँगुनबादि
थेवबो आं समानै गसंनो हायाखै
गुरै साननि खुदुमनायाव जोँथिनाय
हिमालय हाजोनि गोथार बरपजोँ
जोबोद गोगो बियो बयनिबो गोजौथाराव
बायग्रबनाय उखुम गिजि अरसिनानै
निहिरआ खुदुमो आंखौ
आंनि मेगन बेखेवनाय साननि सोरांजोँ
दिन्दौनाय निहिरआ आंजोँ मिनिदेरो
सिगांनिबादि नंलिया आं
निहिर सिजा सिजा
आंनि खर' आरो सोलेरआ
जोबोद गुसुसिन जाबाय
Bu şiiri puanla
Henüz puan verilmemiş