नोँसोर फैफिनोब्ला
R
Ronjoy Brahma
0
Altın Yaprak
गोजां बोथोर फैनायनि सिगांनो
गरम जोबोद गरम होननानै
खोरखि दरजा जोखाव जोबदोँ आं
उदां बार नांफैगोनबादि
.
खोरखि आरो दरजा
आंनि गोलोमदैखौनो
दान हरबाय आं बिथांनो
बेबादिनो थांबाय बै गोलाव सानफोरा
.
कम्बल बुथुम बायनायावनो
गुसुं हर हरफोरा
फिउ फिउ बारलांदोँ
आबुंङै उन्दुनो मोनाखै आं
.
साना फैयो हरा थाङो
हर सान आरो हर सान
बेबादिनो नै गोजां बोथोरा थांबायानो
थांगासुरि जोमग्लुबनानै
.
आंनि गोजांनाय
आंनि हिसिमा कम्बल
आरो मेगन मोदै
दान हरबाय आं गोजां बोथोरनो
.
दिनै आंनि आर'ज-
हे गोलोम बोथोर!
हे गोजां बोथोर!
नोँसोर फैफिनोब्ला
आरोबाव आंनिफ्राय लांनो दाफैथार!
Bu şiiri puanla
Henüz puan verilmemiş