नायहरदोँ आं गसंनानै
R
Ronjoy Brahma
0
Altın Yaprak
सानजानि जारां जोँमा जारौआ
आंनि मोखांआव लाजिरोङै
थावरियाखै आंनि थाइनै मेगना
लाजिनाय मोन्दोँ आंनो, गंस्रियो
दैज्लांनि सोमखोर फैलाव
रुम्बां रुम्बां देलायस्रि
गोथां मायनि दुब्लियाव
आनै-मादै आरो गोबां
गंस्रो गंस्रो माय गायदोँ
फालोसे दैज्लांनि रुवाथिफ्रा
इंसि मोनबानि आयथिँ थिखोनानै
बिसननि हाब्रु बुस्रिदोँ
सावगारिया मिथिँगाखौ समायना
गोरोबफ्लेनाय आं नुदोँ
हानजासे दाहोना मावथिफ्रा
राव होयै होयै लावथि थिखोदोँ
मुजिफुनाय आंनि नायहरनायखौ
जारौ जोँमाया लाजि फोनांदोँ
आखायनि आफाखौ खाफालाव होनानै
जोँमा जारौखौ आं
मान होदोँ
अब्लाबो आंहा सावगारिखौ राहा जादोँ
दुब्लिजोँ बोहैलांनाय फिसा जाम्फैया
लिँ लिँ गोलाव
बेनिनो सेराव थोँनै आंनि आथिँ
नायहरदोँ आं गसंनानै ।
Bu şiiri puanla
Henüz puan verilmemiş