ओरै
R
Ronjoy Brahma
0
Altın Yaprak
खायफा आंनि लुबैनाय हास्थायनायफ्रा
जावगारजादोँ अनजालिनि संग्राय गिजिजोँ,
गले गले सालिजादोँ खायसे मिजिँफोरा
बिनि गुबुं सान्द्रिजोँ।
थरथिँ थरथिँ दुब्रि बिलाइनि गोबां थरथिँ
गांगाजासे सोँबाय आं,
सम सम दुफांआव दाबोरफा
गगा मोनबाय औ गांगायाखै।
गुमुर मोनै सिमांनि
सिमां फाग्लाया माब्लाबा
दाउखानि बासायाव गजब जाबाय
थब सिरि गारबाय बबेबा समाव।
हनै हनै बारदैसिख्ला फैदोँ
सिमब्रे सिमब्रा थद गोमानाय
आंनि बिखाजोँ बारलांदोँ
आबै आबौनि बैसागु बोथोर।
Bu şiiri puanla
Henüz puan verilmemiş