ओरै सिमनानिफ्राइ हरै सिमनासिम

थाबोबाय गंसे बादामालि खानाय सिद्ला जेराव आं आखायजों मानबायनो सोलोंजेनदोंमोन, थाबोबाय गंसे गाथोन जेराव आं थाइलिर गायदोंमोन- सानस्रिजेनदोंमोन जों बादुवा गेलेदोंमोन। मेल्दांआ बुङोमोन- जायनो बादुवा जायो बिनो बिरला फाग्लिखौ मोनगोन थाबोबाय गंसे गाथोन गंसे फरायसालि आं आंनि लोगोफोरखौ गोसोखाङो बिसोर थाबोबाय आं फैबायथाबाय लासै लासैनो सफैबाय बेसेबा गोजान आयै! आं नोंनि बिखुंखौ गोसोखाङो नोंनि बिखुंआव जिरायनानैनो आं मुलुगखौ नायहरोमोन आयआ बुङोमोन- मुलुगखौ गोबानो थाखाय नोंनि जोनोम आंनि बिखुंनिफ्राइ ओंखारनानै नों थाबायनांगोन आरो थाबायनांगोन सानदुं-अखा लोगो मोनगोन जिबौ सु-सुज्राइ गोनां जाहारनि लामा ओरै सिमनानिफ्राइ हरै सिमनासिम आंनि थाबायनाया दाबो जोबाखै