प्लट नागिरनाङा सल'नि थाखाय
R
Ronjoy Brahma
0
Altın Yaprak
जोबोद गारमा फुवार फुवार
गाबज्रिनांगौ जायो आलाइखुंग्रिया
गावनि इजोदखौ रैखा खालामनो
मैदेरसे बोलो जोहोलावखौ।
जोँ राजा लामा आरो रेल लामाखौ
खेब बेसे होबथाखो
जारिमिनाव हिसाब दंना गैया?
आरोबाव खेब बेसे होख्रावनो उदांस्रिनि थाखाय?
थैनायनि बाथ्रा बुंनो लुबैया जोँ
जोँनि जिउआनो थैनो रोङै सल'
प्लट नागिरनाङा सल'नि थाखाय
थगायनाय गैयै बाथ्रा।
जोँ गोसो होसार होसार गेलेग्रा
आबौ होलांनाय नैबे सिलायाव
थब खिलायो दाउ बिमा
बिनि थाखाय दुखु खालामनाङा।
आबै होलांनाय थोरि हासिब दं
दाखोरखौ सिबगानो,
आबौ होलांनाय खदाल दं
दाउखि सिलिँखौ हगारनो।
नाथाय गिलुबालु दाखोर
आफा उल्टा दाखोर हग्राफोरनिनो आगान,
हासिबजोँ हाया सिबगारनो
खदालजोँ हाया हगारना गारनो।
जेसेबांनो बुख्रुबदोँ दाबखा
आब' दुरमावहासो जिरन गैया जासिनदोँ
सानावबो फैयो हरावबो फैयो
एमावनि बेसेना अर जोँसिनदोँ।
Bu şiiri puanla
Henüz puan verilmemiş