रजे! नोँ थांनानै था 1.2

आमटेकाया सिरां जिल्लानि सिङाव थानाय दिनैनि मोनफ्रोमबो बिथिँआव दावगाख' हायै बर' आबादाफोरनि दाबसे फिसा जायगा। सिरां जिल्लानि गाहाय मावख'सालि काजलगावनिफ्राइ बेसेबा रिउ रिउ गोजान। गुबुनारि हादोद भुटान हाजोनि आफाङाव निसिमा रायजोनि गंसे फिसा बियाब। खोलानिफ्राइ आमटेकायाव फैनो थाखाय दोँनै लामा। बे लामाया आमटेकानि सुबुंफोरनि थाखाय जिउ राहाबादि। बिजनि बर' बाजार जानानै भबानिफुर दोँसे। बाङाइगामि साफागुरि रौमारि जानानै भबानिफुर दोँसे। भबानिफुरनिफ्राइ थोँजोँ फैनानै साहा फारसे आमगुरि कैला मैला आरो मोनफैयो आमटेका। आमटेकानि खायसे मानसिफोरा साफागुरिनिफ्राइ मेगन मेसेबना मटर साखावबोब्लानो आमटेकाखौ मोनफैयो होनना बुङो। बिनि जानथाया बिजनिफ्राइ 45 कि.मि जायो। काजलगाव साफागुरि रौमारि जानानै 30 कि.मि फ्राम। सोनाबजोँ बेँटल टुक्राझारनिफ्राइ औगुरि फाटाबारि जानानै लांखार दैसाखौ बारना आमटेकासिम फैनो हायो।