रिमाइन्दार
R
Ronjoy Brahma
0
Altın Yaprak
जरासे मेगननि नोजोरा
नोँनि बिखायाव सौग्रावो
आंनि सोलेरा दलरै दं नाथाय
आंनि गोसोआ खारदिँलाबायो-
आङो नोँखौ गोबाख्रबना खुदुमो
नोँनि देहाया गोजांस्रिउबाय बादि
आं गावनो गाव मोन्दाङो
गाड़िनि बेला सान्नायखौ बेल्टायो
मोकथांआव नोङो आंखौ नायना थायो।
नोँ आरो आं जोँ सानैबो
बेसेबा गोजान गोजाननि।
आयनि देरायाव मोनफैनानै
रोमै रोमै बिरबोयो खोमायाव
नोँनि मुस्रिखौ ओं बावगारदोँ
नाथाय गोजाव फैदोँ रैसुमै रायदावनाया,
आंखौ उसु खुथु खालामो।
नोङो आंनि सिनायथि बियो
गावनि सिनायथि गावनो होयो
नाथाय सिखाव आंनि गोसोआ
खास्रि बिस्रि नोँखौ थगायो।
बिदायनि समाव आखाय सोमावलायबा
नोङो हाजासे मिनिस्लुदोँमोन
समायनानिफ्राय समायनानिसिन,
रैसुमै गोदै रावजोँ-
माब्लाबा लोगो मोनगोन
गोसोआव लाथाव-रेबथावथाव;
खंख्ला आङो मोन्दांदोँ
नोङो आन्दोआव गोमालाङो।
Bu şiiri puanla
Henüz puan verilmemiş