सिमां नुफुनाय रौनियानो

आजां गाजां बारआ बायदि महर लानानै बिफांफोरखौ सोमावो मुलुगाव सैथोनि अख्रां बि रौनियानि सिमां नुफुनाय समाव आजां गाजां थुंग्रि सिबफैयो बिरगोस्रीआ गराइआव जनानै गंगा जमुना गदाबरि ओजों टिपकाइ सोरमांगा आइ आरो फाग्लादिया जेरावबो थैनि गोदान फुंखा सिनायमोनै फाइखिनि आं आरो मा बुंबावनो सिमां नुफुनाय बि रौनियाखौ? हिमालया एभारेस्ट मानखोनो नाजा नाजा जहुद्रुदफिनदों बियो प्रसान्त आरो आटोलान्ठिक सानस्रिनो नाजा नाजा गगा मोनदों बियो हे लोगो बे बारआव अखाखौबो दा गाबज्रिथार नोङो अखाआ नोंनो होफैगोन रुजुनख' हायै बर'फ फिथर दैसायाव गोजाव गोजाव गाथोन गाथोन हान्थिनाय हाजोनि अन्थाइ नों बेनि सल'खौनो दोंसे स्राइ लिरनानै फरायना खोनासं सान ओंखारनायनि आगोल सान ओंखारनाय समाव दुब्रिआ निहिरखौ गावनि मोदोमाव बिलिरना लानायबादि बेसेबां थाजिम बेसेबां सुदेम मोनगोन रामनि दिक्षा आजावनायबादि दुब्रि गांसोनि निहिरआवनो लोहाबना खेबसे दुगैनो फै बेनिफ्राइनो गोदान मोनसे दावहा जुरिदिनि गोदान गंगा सोरजिनो