सिमांआ मोकथांनि थाखाय
R
Ronjoy Brahma
0
Altın Yaprak
मेलेमबह्रा आबौआ सिमां नुदोँमोन आफानि थाखाय
आरो आफाया सिमां नुदोँमोन
गासै फिसाफोरनि मुलुगनि थाखाय,
सिमांआ मोकथांनि थाखाय हासारगोबां हादान।
सानसहायै गोजाम जारिमिननि देँखोआ
दिनै अख्रां दावबायनो ओँखारदोँ,
आय आरो जोँनि आफानि खावलायाव दिमपोलनि दोहौ
गेवसारै दरखंखौ नारब्लांनानै मेगनाव बिबारनि बारि।
दिनैनि गुथाल दैखांनाय सोदोबफोरा
खाथेनानै दोनजादोँमोन दाहायाव
जेबो राहा गैजायै अहल्यायाबादि,
गोदोनि आबैनि जेन्थोर फिदिँनाया
दिनै गोजा गुस्थिनि आगर सिखांबाय।
दिनैनि अख्रां गाखोनो जुजिनाय मिनिनाया
सावनांनानै अन्थाइनि महरै उन्दुस्रिना दंमोन,
आफानि हासारबह्रा आफाखिजोँ उद्रायजाबाय,
इनजुरनि घड़िया दिनै सिमांखौ लेँहरदोँ।
दावगादो लोगो खोमसिखौ खेबख्ला खेबख्ला
गिसि गांखंखौ फुंनि सोरांआव फोरान्नानै,
जिउ बिबाननि बिसम्बिया आरोबाव फैसालि बोद्लायो
उदां फैसालि जेराव फैमाल फालांगिरिफोर फैया।
Bu şiiri puanla
Henüz puan verilmemiş