सोमखोर जानो सानलायदों जों
R
Ronjoy Brahma
0
Altın Yaprak
अखाया खेबसे हानायमोनब्ला
फुरस्लां खानायफोरा
जांगिला सेंग्रानि बादि जाफिनगौमोन
बेंगुरा गोसोफोरा दैज्लांनि अखा दामब्रा
एबा बियो बिजुलिबादि खारफिननो हागौमोन
फुरस्लां खानायफोरा जुब्रा खालामो
गोसो आरो देहाखौ!
गुथाल सुखांग्रा अखाया
हायाखिसै बिनि खर'सायाव आरो गोरबोआव!
अखाखौ हमथानानै लाबाय बिसोर!
इसोरनो थैफ्लानाय सेरेब दौनानै होबाय बिसोर!
सिजौ गुदियाव गथायना होनाय गय-फाथै जरा
जैगोसालिनि फोथासे अर
आर'ज सालिनि मेथाइ
बहा गोमालांखो रावबो मिथियै जाबाय!
नाथाय जेरावखि थाया
अखाखौ जों दा हास्थायदों
गंसे अख्रांनि
मोनसे बोथोरनि अखा जिजानानै
सोमखोर जानो सानलायदों जों बयबो
Bu şiiri puanla
Henüz puan verilmemiş