सान हरफोरा नों आरो आंनि
R
Ronjoy Brahma
0
Altın Yaprak
गले गले आंनि बिखायाव गोग्लैफैनाय
हाथर्खि आरो अखाफोरनि दामोला
आंखौ मोजां मोनबाय
आरो आंबो मोजां मोनबाय बिसोरखौनो।
आं दा उनदुयो हाथर्खि दामोलाव
अखाफोर गोबानानै
आमोखि दा नों अखाफोर जानायमोनब्ला......!
आं दा आंनि देहा-मोदोम गासैखौबो
फबनानै दोनजानो लुबैबाय नोंनि अननायजों
आमोखि दा नों गोथार जुलियाव सारजानाय बिबार एबा
आंखौ होसिननाय हाथर्खि जानायमोनब्ला........!
बोथोर आरो बुब्लिफोरा गिरिनि आखायव दिनदौनानै
फिसाफोर बादि गेलेदों
बार, हा, दै, अर आरो अखोरां
बेफोरजों गेलेगासिनो दं मानसिफोरा सिजौनि सायाआव
आमोखि नाथाय आं गेलेदों
नोंनि सावगारिफोरजों सानखि हर
आं साननानै लादों गाथोन नों खंसे आंनि
लैथो नों मोनसे आंनि
अखोरां नों गुरसे आंनि
बेबादिनो आं गोजोननाय मोनो गोजावै लोहाबै सानस्रिनानै
Bu şiiri puanla
Henüz puan verilmemiş