सोनाबनि गाथोन होसोनानै
R
Ronjoy Brahma
0
Altın Yaprak
आं साननि रोदा रोदा खारो
रंगिना आलायारननि खोर्खिनिफ्राय
सोनाबनि गाथोन होसोनानै
समायनासिन जायख्लंनि गेजेराव
आलो गोजोन अराय गोजोमहैनो
हांसो सिलारिनि गांखंआव गोबानानै
समायना बुंफबनाय अख्रांनि बिखाजोँ
गुदुंसिन सानसुथिरखौ बारहोहरो
रंगिना रंगिना गोजोन आरो सुदेम बारखौ गोबानानै
दुलाराइ हादोद आरो मिथिँगाया आंनि
आं मुलुगनि बिखायाव एब्रेना नायो
दान्दिसे रैसुमै मेथाइ खोनासङो
आ जोमै जोमै बिरबायो
सोमखोर गोरबोनि रैसुमै खबाम लानानै
गोरान मुलुग नागिरनानै अखा जानो
आं रावना, आं बावबुलि राजा
अनजालि आं नोँनि मेगनाव नायहरो
जोबथा नोँनि गाबनायखौ हास्थायनानै
आं जेब्लाबो नोँनो बुंदोँमोन-
मनालिसानिफ्राय रादाय गोबानाय नोँनि मिनिनाया समायनासिन
जेब्ला फ्रि फ्रि अखाया हायो
नोँजोँ आंजोँ जायख्लंनि गेजेराव
अनजालि बिबारबादि अरायबो नोङो मिनि
गुरै नोँनि मोखांजोँ सानमोखाङारि बिबार जानानै
Bu şiiri puanla
Henüz puan verilmemiş