सानजानि बारा सुफिन दामो
R
Ronjoy Brahma
0
Altın Yaprak
खोलखोल गोगो गोजोँ सुदेम
बबेबा दैसानिफ्राय जेन'बा दुगैनानै फैदोँ
बियो खानाय फिस्रि लाङो आंनि मेगनाव
आंनि गोरबोआ सुहाबो दान्दिसे
सानजानि बारा सुफिन दामो
आंनि खोमा सेराव जिउनि आगान सेरसेर
अनजालिया थाबाय लाङो खारस्लिउ खारस्लिउ
मोसासुलि बिफांफोरा लारिलारि मोसायो
सोमखोर गोनां दखनाजोँ हायना फोनांनानै
आं गोमोहाबो सुफिननि देँखो
दाउसिननि मिलौहाब रैसुमै गारांआव
आबुर गैयै अख्रांनि गुफुर आरोबाव जोमै
साननि रोदा रोदा खारदोँ दुंब्रुद बिलिरनाय
मिथिँगानि देहा सोलेर अननायजोँ
नोँ फै आंनि मेगन बिलाइयाव
मोजां मोनहाबनायनि सावगारि बोनानै
आंनि फामे बिखायाव गोसो गेवलां होफै
बे रंजानाय फुंनि बिबार फाइलियाव
दाउथुआ बिखा फोजा फोजा बुङो
सिखिरिरिया गांखं फोरायो दाउसिनफोरबादि
हाबाब लोगो आंखौ नायहर साना बुंबाय
हाजोआ आज्लंना आंखौ नायहरो
मिनिनाय आबुं मिथिँगाया आंखौ बेँखनो
खबाम गोनां फुंनि सुदेम बाराव
साननि रोदा रोदा खारदोँ दुंब्रुद बिलिरनाय
Bu şiiri puanla
Henüz puan verilmemiş