सानमोखाङारि मेगनजोँ
R
Ronjoy Brahma
0
Altın Yaprak
सैथो-सनातन गावनि घोरोमबादियैनो
सोरां सारफावनानै जोँमा साना
सोनाब फारसे मोखां जानायबादि
बुहुमनि गासैखौबो समानै अन्नानै
लोगो नोँ बुहुमखौ गोबाख्रब
गावनिनो जिउमानि बामखआव
गोदो गोदो उन्दुलांथोँ सुखु-रंजानायाव
सोमखोर समायना मिथिँगाया
सुदेम बारबादि अराय हाबिला
आमाय थख्लनि जिरिनाय हां
थाद'नाय गैयै दैसाबादि
सानमोखाङारि मेगनजोँ
लोगो दा मोख्रेब
जिउनि बुब्लिफोरा गां फुवारो
फुंनिफ्राय साना फैसालियाव दोबैनाय समबादि
नोँनि जिउनि आलारि
लोगो नोँ बुहुमखौ गोबाख्रब
गावनिनो जिउमानि बामखआव
सानमोखाङारि मेगनजोँ
उन्दै-गिदिर जेरै फाराग गैया
Bu şiiri puanla
Henüz puan verilmemiş