सिरि सिरि
R
Ronjoy Brahma
0
Altın Yaprak
नोँ आंखौ मोजांङै सिनाया
नाथाय नोँ मोजां मोनो,
आंदि सासे सिनाय हायै
इसोरासो मिथिगौ ।
बबेजोँदि सालायदोँ आं
मिथिस'यै जिउनि गाड़िखौ-
नोँनि गोसोनिफ्राय बेरखांनाय
नङा आंदि सना मैखुन,
नोँ मोजांङै सान्नो हागौ सना
सान जेब्लाबो समा दङ ।
आंदि गावखौनो बुजि रोङा
नाथाय आंबो नङा अनसुला?
आरो आं नाजायाखै अन्नो
दैमानि दैयासो बुसाव फैयो
अनसायनाय बालाया रेजेरो,
नोँनि खावलानाय गोरबोआव
खन्थाइनि रोसि बिलाइनाय,
नोँ मानो नागिरो आन्दोआव
सान हर जेब्लाबो?
नोँ लुबैदोँ हामलायनाय
गोरबोनि गोदै दौहाबनाय,
नोँनि खावलायनायखौ बोखार
खन्थाइनि रोसिखौ लांफिन,
सैथोजोँ अनसायना नागिर
मुलुगनि आन्दोआव बेसेदि
आंदि मानोबा सानोदि
बेसेबां थाबावगोन सिरि सिरि ।
Bu şiiri puanla
Henüz puan verilmemiş