सोर्गोनि रुम्बां
R
Ronjoy Brahma
0
Altın Yaprak
अख्रांनि हाथर्खिया थल्थब
हाद्रि हाब्रुनि गोरबोआव
सिरि फैनायबादि
बेरसावदोँ गादै
बायदि गाब देँखो जिउ मोनसेनि।
दिनैनि हराव सांग्रेमासो बादि
माबा गोमानाय नागिरबायदोँ बियो
ओरै खना हरै खना खना।
बाहां बिरहां मोसाग्लां मोसाग्लां
बै जोमै हरै अखोरां
हरै हाजो लैथो सानस्रि सानस्रि
नैबे मारुं हरै मारुं-
आलो आलो गेलेदोँमोन रुम्बां
थमेन गेवलां बारग्लां
बिबार बारि बारि
दांदुलि शर्पुनखा जेरै।
आगोल थांनाय मुगानि
सोरनिबा सावसो जेन'बा
दाखा फ्राव फ्राव सारजानाय
सोर्गो नागारनांनाय रुम्बां।
रायक्षसि लैथोनि गुथालखौ एरायना
अखोरां बिरदावलांनो-
मुलुग साहारानि बाला गुदुंजोँ।
उदाङै आथिँ गानो
खैफोद गोनां बे-
हाब्रु-हाद्रि सुजोँ बुंनाय
हर हर खोमसि खोमसि
ग्रह नक्षत्र बेँनाय मुलुगाव।
रुम्बां! सोर्गोआव सानसेल'
नोँनि रंजानाय गेलेनाय
खेबसे जोनोमाव-
मोनब्रै मुगाखौ जोँ मोनखाथारो।
Bu şiiri puanla
Henüz puan verilmemiş