सोरजिनि महिमा
R
Ronjoy Brahma
0
Altın Yaprak
सोरजिगिरि परम ब्रह्मनि अननायखौ
हाया हाया आं नेवसिनो बेखौ
गोहोनि गिरि नोँ
लामानि दैदेनगिरि नोँ
गिरि नोँ आफा गुरु नोँ
खाना खुजा नोँनो दैबायो
गोरोँ गियानि नोँनो आफा
गोरोँ गियानि नोँनो खालामो
नुजानाय नुजायै नोँनो
थाबायनो गोरोँ रोङै नोँनो
मुनुष मैया जिब जुनार दाउमा दाउसा
हाजो हाला बिफां लाइफां हाग्रा बंग्रा
सोरगो-नोरोक-फाटाल
गोमोथाव सोरजिनि महिमा
साननि फोर्जा? सानजा
सानखौ बरायो गावनि दर्खँआव सानजा
गैया मेसेबनाय मेगन
गैया खोमसि गोरबो
सोरां खोमसिया मिथिँगानि
मिथिँगाया जादोँ सोरजिनि
मानसिखौ सोरजिदोँ मानसिया
जिउ होदोँ गोमोथाव सोरजिया
गाबनाय मिनिनाय
दुखु हांमाखौ फोरोङो मिथिँगाया
थैनाय उजिनाय गासैबो सोरजिनि
साना ओँखारो सानजा
हाबलाङो सोनाबहा
नाथाय.....
साना हाबनाय ओँखारनाय गैया
बेयो दं जेरावबो दं
बुहुमा साननि सोरगिदिँ गिदिँङो।
Bu şiiri puanla
Henüz puan verilmemiş