सिरनमोन्नि सैमाया रोनावदोँ
R
Ronjoy Brahma
0
Altın Yaprak
गोरबोआव आं सान्दोँ
देँखोआ खोमायाव सफैना,
बिसोरो आर'ज गाबदोँ सोरनावबा-
अबंलावरिनाव;
हौ हौ हौ अअअ....
गोजां बोथोर, जानांगौ-
कम्बल नांगौ।
बष्टा गिजि नांगौ।
आरोबाव आं सान्दोँ
जिगाबानो दामोलमानि दं
बिसोरनो मानो कम्बल?
मानो नांगौ बष्टा गिजि?
बेरायनायनि सम नंला
समा द्लाम जाबाय।
आरोबाव खेबसेबाव सानफ्लांदोँ आं
ऐसेबां रोनावबाय थानाय
उन्दुनो ओँखाराखै नामा?
ना उदै खंख्ला, उदैया-
सिरन बिमायासो रागाजोँ-
ओँखाम होआखै नामा?
ओँखामखौथ' मोनजानो दंथारो
आलु बुरनाय दहाय फुंआव
माथो लोगो लोगो थांफादोँ
आगानाबोथ' ब्रे ब्रे दंथारो।
अ' आं बुजिबाय, नै दासो
दहाय सिरन बिमाया आलायना
साइकेलाव लाबोदोँ बेदर
बेखौसो मोनजा बायाखै नामा?
सिरनमोन्नि सैमाया रोनावदोँ।
Bu şiiri puanla
Henüz puan verilmemiş