सिथोर बाथोर
R
Ronjoy Brahma
0
Altın Yaprak
आं गौथौसिन दैयाव दुगैनो मोजां मोनो
दाहारसिन दैमायाव सानस्रिनो लुबैयो,
इसोरनि माया लिलाजोँ गेलेनो लुबैयो,
आं सानो बेमा जेखौ सौसिनो।
बिरनो नाजायो आं
दाउसिनफोरनिफ्राइ जोबोद गोख्रैसिन,
गोसोनिफ्राइ गोख्रैसिन खारनो नाजायो
आं सिमां नुयो सिमां नंङैबादि
बारनिफ्राइ उदांसिन जानो लुबैयो।
गोरबो जावलिया जायो आं
मोनाबिलि सिख्लानि मिनिस्लु मिनिनायाव,
फलन्थ गेजेराव मेथखा बिबार बारोब्ला
आंनि सायखंबादि नोँनि मोखांआव नुयोब्ला।
रांरासि मैथाहाजि स्नि मुलुगनि
सिमां आरो मोकथांनि बोराबसुलि रजे,
बावगारलाङो आं हांसो सिलारिनि गांखंजोँ
सरत बोथोरनि सेफालिया ज्रय सिरिलाङोब्ला।
Bu şiiri puanla
Henüz puan verilmemiş