थै गोनां बिग्रायारि
R
Ronjoy Brahma
0
Altın Yaprak
सानखौ मन'नाय
गोलेरनि खुगाखौ बिसिनो,
थै गोनां बिग्रायारि,
दावगा आंनि जोहोलाव।
मोनजारोङै दुखुथिया
हालाइ-हाफाय मायरं मागिदोँ हराव,
आलाइ-सिलाइ बेँगुरा फिसाया
रेल-सायथिँ राजा लामायाव हुख्रेम जादोँ।
अखाफोरखौ मन'नाय
रायखस दानबनि बिखा बोफ्लंनो
थै गोनां बिग्रायारि,
दावगा आंनि फायखिफोर।
नांगोल मुथिजोँ जिउ सुजुनाय
हालुवानि आबाद फोथाराव
सोरां नागिरदोँ आबाद फुलि,
बार नागिरदोँ उदांनि मिलौहाब।
उदाङै बिरग्लांनो लुबैयो जोँ
सिला सिगुणनि मेगन सेराव,
सान लुबैयो साननि थाखाय
अखाफोर लुबैयो हरनि थाखाय।
रायखस दानब गोलेरजोँ नांनो
थै गोनां बिग्रायारि,
मोनजारोङैनि मोदै हुगारनो
ओँखार आंनि जोहोलाव फायखिफोर।
Bu şiiri puanla
Henüz puan verilmemiş