थ' थ'
R
Ronjoy Brahma
0
Altın Yaprak
मिथिमोना दिनैनि बारा मानो एसेबां हांगादावरा
थेवबो गोसोआ गोख्रैसिन बारनिफ्राइ,
सौथुवाब्लानो जाबाय आं
होँगो-दोँगो मटरनि साखा एरायनायाव।
बाज्लखांगासेल' गोजा बाथिनि अरा
अखोरां मोनहैया आरो-
अखाफोरबादि सोरां होनो हाया
अखाफोर- आसिननि फुर्णिमा।
आथिखालाव राजा लामाया
एसेबांदि थैनि गांनाय!
गोलोमदै सिजा सिजा बियो खुद्रिखाङो
थेवबोदि दावहारुवा बिनि बिखायाव आगान खोख्लैयो।
सान्दुंजोँ खामथारजानाय बिफांआ
अखा नागिरदोँ आरो
गावनि महर खोमानाय आबादारिया
मोदोम गोरलै दुब्लि नागिरदोँ।
बेफोर सावगारिखौ आं एखमबा
थुनफावथा सानफ्लाङो बेबादि नङा,
आसागि-बैसागिजोँ साव होजानाय फानफेवालि
नोँ लाबोदोँमोन थोबसे जोमैनि अखा।
दाउखौऔआ रोजाबफैदोँमोन मेथाइ
खन्थाइ आवराय फैदोँमोन बिबार-अलंबारा
खन्थाइ-मेथाइनि माखन दिहुन्नो हायो जोँ
थ' थ' गेलेलिवनि लावथि फिदिँनि
Bu şiiri puanla
Henüz puan verilmemiş