दाबो गाबबावो नोँ
R
Ronjoy Brahma
0
Altın Yaprak
दानसोरां हरनि मोले बिखायाव
बायदि बुंफबनाय रैसुमै देँखो
आरो आं रोजाबनो हालिया
नोँनि गसरनाय मोदै आजाव आजाव।
नोँनि मोदैयानो आंनाव नांबाय
फरायनो हालिया आयै आं
नै ख्रेद ख्रेद गुनजेर अरबावदोँ
आबौ होलांनाय गंसे खुन्थिया।
दाबो गाबबावो नोँ
दाउखा दन्दानि खौरां मोन्नानै
बोलो गैयै फिसानि जेन्नायाव
निरासा दाहा दाहा होन्नानै।
ओजोँ सनास्रिनि इसानसालिया
ओलैस्रो गोग्लैना थायो
सिबाय फालि दादोँमोन रजेनो
बैसागु बैसागु होन्नानै गामसा दादोँमोन।
आवबा जाबाय संसारनि सोरखि
हरै जाया ओरै गिदिङा
मुसिनाय मायहुंनि जिगाब बुन्थाबादि
दिनैनि रानखां समाज नोरजिया गुण।
सोबखग्राया सोबखदोँ जिबौ फिथिगमबादि
आहार बह्रा जाम्बि मोसौनि आहार सोबनायबादि
गावनि फिसाखौ माजोँ फेदेरबावनो?
हाबाब फैमाल दाहा आरो दाहा!
Bu şiiri puanla
Henüz puan verilmemiş