दाबो सिखाराखै बिसोर
R
Ronjoy Brahma
0
Altın Yaprak
लेँलां निरिँ सिमांनि दैसायाव
जुगुरुब जुगुरुब ना गुरदोँ,
फालोँ बुसाव सिमांनि दैसायाव
मोना मोना खांख्राइ खन'दोँ,
बिबार बारदोँ बिबारखौ लह्राय होदोँ
सिखिरि बिरदोँ सिखिरिखौ बुख्लायदोँ
हां गैयै जिउ
जिउ गोनां गोथै सोलेर
सिमांआव बिसोर नुदोँ,
एसेबां खास्रि बिस्रि सिमां
बिसोर दाबो नुदोँ,
थेवबो बिसोर सिरि मोनाखै!
उदैनि थांना थानाय हाथियार
साल सिरिनि नांगोलाबो
दिनै गाबोन गुनजेर अरदोँ,
सोरनि नांगोलाथ' माब्लाबानो माराम।
इसानसालि दाउ अमानि गग्रा
बिसोरखौ बुङाब्लाबो जागोन
गोजोन उन्दुनाय खथायाबो अखा सेरनाय।
दाबो सिखाराखै बिसोर
बेयावनो गोदो गोदो सिमां नुदोँ,
आमाय-जुमाय गेलेनाय
ओँखाम-ओंख्रि संना जालायनाय।
Bu şiiri puanla
Henüz puan verilmemiş