थाबायनाया जागाय जेनबाय
R
Ronjoy Brahma
0
Altın Yaprak
मेगननि अखाजोँ सिनाय
बे लाइजामखौ नोङो दाफरायसै
गोमोरहां गोमोरहां बाथियाव हांनानै
जोँनो हो बनजारखौ सोरां जाथोँ
जोँनि खोमसि खथायाव हाबफैयो
बायग्रबनाय उखुम सिँखावनानै
थोबफा थोबफा हाथर्खिनि मिनिनाय
थेवबो जोमैया खोबफैयो
गोदो गोदो हंख्रदलांनाय
आयनि थांगासुरिया सिग्लाबो निहिर
सोबखनाय, सुसिनाय, एना-एनि
बेबादिनो निन गैया फिसाफोरनि
बे लाइजामा दुखुनिनो खौरां
दावहारुनि बेगेँ-दामोलनि हिसाब
जाय गारांजोँ बिसोर होख्रावबाय
बे देँखोआ जोबोद गोदै
थाबायनाया जागाय जेनबाय
आखायाव फिरफिला दैखोनानै
सिनाय लोगो आथिँनि आगानखौ
उदांस्रिखौ दोनगोन बयनिबो गोरबोआव
मोनजा रोङैनि मेगन बेखेवनानै
Bu şiiri puanla
Henüz puan verilmemiş