दमायनाय गैयै, दमाय जायै
R
Ronjoy Brahma
0
Altın Yaprak
बुन्थानि अरखौ खुगाजोँ खोमोर हाया।
जायनाव नांदोँ जुजायनि अरा
रोहो रोहो गोरबोआव
हानाय नङा लुफावगासे
अखा दामब्रानि दैया।
जायनि जोँबाय थानाय गोरबोनि रागाया
दमायनाय गैयै, दमाय जायै
सोलिनाय नङा लहा गुदुंआ।
बारसोमगासे बुरलुंबुथुर दैमायाव,
सानस्रिग्रासे मुलुग लैथोआव,
जाय आलो आलो गोजावगोन
गोजावलांनांगौ जायोब्ला।
सैथोनि थाखायबो दायनिगिरि जायो
एबा नंखायनि थाखायनो जाय
इसोर सिबि जायो
अब्ला बियोखि खामानियाव होगोन एबा
बिनि गोथै बेदरजोँ
ना खासेवाखि उदै बुंगोन।
Bu şiiri puanla
Henüz puan verilmemiş