दिनैबो संगालि संगालि
R
Ronjoy Brahma
0
Altın Yaprak
आय' मिथिया दिनै सोरनि सिलायाव
गोजा थैनि दैस्लुं
मिथिया सोरनि गोरान गोथै हाखराव
एम्बु बंग्ला
दिनै गोरान खराननि बोथोर-
खुनाय लुन लुन उखुन्दै
खोनादोँ गिथाव सोदोब,
आय' मिनिस्लुनाय गैया अखानि थिजिम
गांगा थफा हाथाइ रिजि खिथिनाय ।
गोरबो बिखायाव सौग्रावनाय आय'
सोरनि गोफार नोजोर जिलिरनि
मिथिया जायख्लं गोरबोआव सोरनिबा
रिफिनाय सोरनिबा बेरलाव नोजोर
अखा मोफ्लामनाय जोँब्लाव आय'
सोरनिबा खाफालाव गुलि ।
हाया थानो, हाया हारसिङै रावबो
गैयाबोला रायजो जयै बान्दो,
थेनो आय' लोमलानाय बाना
गुथाल आरो दोहौ, दाहार
होबथानो हायै अन्थाइजोँ
थैनि बोहैनाय निजोरा
मिथिया गावनो सुबुङा सोरनि सिलायाव
मैहुर सुबुंनि संगालि संगालि ।
Bu şiiri puanla
Henüz puan verilmemiş