थांनाय जोनोमाव नों आंनिमोन
R
Ronjoy Brahma
0
Altın Yaprak
बोरमा गुमग्रा गोजोम फोथाराव
गोदान गोथां सोमखोर गांसो खिलियोब्ला
मोखांजों मोखां गंनै गोगोम हाजोआ जेन गावखौ नागिरदों
दलर जिरायनानै गोरबोनि बाथ्रा रायज्लायोमोन
माइ हानाय समाव सानैजों माइनारानि फेमफा दामदोंमोन
नोंहा बेखौ गोसोआव फैया
मोसौ गोबोर खनथुमनानैनो गोजोननाय मोनोमोन
आरो फोथार सेरनि मोनाबिलि मोनाबिलि दैसायाव
जायख्लं बाग्लायफैयोब्ला बेवहाय गेलेदोंमोन
जों सानैजों सतबांसाखौ फालिदोंमोन
दोंसे खुनदुंजों अखोरांआव सिला बिरहोनानै
सुबुं मुलुगाव जेबो आंखाल जायाखैमोन नोंनि आरो आंनि थाखाय
नोंनि रैसोम खानायखौ बिलिरनानै
लुखुर लाखार नख्रांनि जोमैया एदावदोंमोन
आरो नोंखौ जिउ गोलाव खालामदोंमोन
अखाफोर हाथर्खिफोराबो अखोरां नागारनानै
दानदिसे नोंजों गेलेदोंमोन
थांनाय जोनोमाव नों आंनिमोन
गंसे नआवनो संसार जादोंमोन गोजोनै
गंसे बिसिनायावनो उनदुनानै लैथोमा जानायनि सिमां नुदोंमोन
नोंहा बेखौ गोसोआव फैया
Bu şiiri puanla
Henüz puan verilmemiş