थिरिँ बिरिँ 1401-1450

1401 सानजानि साननि रोदाजोँ अनथाव गथ'फोरा थाबायदोँ उदां बेसेबा गोरबोजोँ आरो आं बिसोरनि लोगोआव 1402 गुफुर जोमैया अख्रांआव बेसेबा समायना दाउदै बिबार आं गोमोहाबो जेब्ला मानसि लांखारा एब्रेलाङो 1403 सिरि आंनि गोसोआव दैसा बोहैबोदोँ बेसेबा गोजोन आरो सुदेम गोबादोँ आंनि गोरबोखौ 1404 नालेँखर बिलाइया मोसादोँ बेसेबा सुदेम बारजोँ खोरखिजोँ आं नायहरो नायहरो आं दाउसिना 1405 दा आंनि सानस्रियाव सुदेम बारा बारबोदोँ आंनि बायगर गोसोखौ बिसोर बिलिर फैदोँ 1406 दिनै साना गोमालांदोँ सानसे अखा थायफ्रिनायजोँ आंनि गोसोआ मोसादोँमोन अखानि खबाम गोनां मेथाइजोँ 1407 बेन्दोँ मानफबनाय बिफांआ हां मोनाखिसै सानदोँ आंनि गोसोआ बेसेबा बाग्रायना लादोँ 1408 गोरबो गोबानाय सिमांआ आंखौ मिजिँ फारसे लेङो आरो आं थाबायो उदां बेसेबा मेथाइजोँ 1409 बे फुंनि अखा लामायाव हार्सिँ आं मेथाइ खन्नानै नायहरो आं बबेजोँ थांगोन बे गोजोन बाराव 1410 अख्रांनि आंसोलाव जोमै सोनाबनि साननि सोरांजोँ फुरहाबदोँ सानसुथिर समाव मानसि खुद्रिनाय बैसो 1411 बिरबायदोँ बेरे-सिखिरि बारिनि जबा बिबाराव अं अं बेरेया आंनि मोखांआव दावराव खालामो 1412 खोमसि बिलिफांआव जोँफबदोँ हाथर्खिँ अख्रांआव रिथि रिथाव बाथिनि आंनि गामियाव समायना 1413 गोसोनि खनायाव खबाम फुंनि दाउनि गारांआव बिरबोयो मेथाइ गोदैसिन आंनि मिजिँ अख्रां फारसे 1414 गावरेमा गाबदोँ रिउ रिउ नुहरो बंफां दालाइयाव खोमा माथुयो आं हाब दिखार गोनां रंजानायनि 1415 बे फुंआव आंनि सिलायाव बारदोँ गलाब बिबार बिलिरना लादोँ आंखौ उसु खुथु गोसोआव 1416 बिफांनि दालाइयाव फोरला बेन्दोँआ गोबादोँ बेसेबा समायना गोमो बिबार अनथाव नायहरो सानखौ 1417 फुंनि सान्दुंआ आंखौ गोबायो आंनि सोलेरा आंखौ गोबा गोबा खुदुमो बेसेबा गोजोन जादोँमोन जिउआ 1418 सानजानि साना जोँ नायहरो आंनि बिखायाव थिर गावहरो आरो आं मरा जायो आं बिफां सिङाव थाखोमायो 1419 गोमालांदोँ खावसे हरा आंनि सिखारनाय सिगां आं दिनै नागिरलिया साननि हाबा दं आंहा 1420 आंनि मोखांनि जोमैयाव लामा आन्दायो बिरबायनो दाउफ्रि बेखायनो आं थैनो लुबैयो खोमसिखौ बुस्रांनानै 1421 समा आंनि गोरबोआव लेवा मानफबो हां मोनै बेखौ आं एवस्रांनो जुजिबाय गेरेमसा जानो बिफांनि थाखाय 1422 मैया नोरोका थांबाय दिनै सोर्गोमोन आंनि रंजानाय गाबनायजोँ बेबादिनो थाङो सानफोरा 1423 आंनि सानफोरा थाङो सानजानिफ्राय सोनाबजोँ खारनानै गाबनानै थाङो बियो रंजानानै थाङो बियो 1424 गोसोम जोमैया जेथोनि बे दैज्लांआव जोँदि मावथि गोदान मिथिँगा सोरजिनो मिथिँगानि गासैनिबो थाखाय 1425 आफानि फाफ्लियाव गंसे नांगोल गोलोमदै गसरनाय सोलेर सोमखोर गोथां गोरबो 1426 खर'साजोँ हब्रालाङो नोँ जेरै जाम्फै आलिया उसियो नोँ मिथिगौ आरोबाव हरा खोन्दोसे बायफ्लेयो 1427 दिनै जोबोद खोमसियाव मेगननि आन्दोआव जिबौ फिथिगम बायदि बियो गाल्फा फुवारो 1428 सोर्गोआव आथिँ मुसुरो अमृटनि दिक्षा मोन्नानै लोगो आंनि थाखायनो आंखौ मदद हो हाबायाव 1429 सिगुण फालो जेथोनि अख्रांआव बिसोरनि गांखं फुवारनायजोँ मुलुगा दिनै खोमसि 1430 दावहारुनि सिमांआव थैनि दागो थुंग्रि मोसा बिगुर गान्नो लेवार बेद्लावनि गोदोना दानसनो 1431 दा आं मिथिगौ खोमसियानो स्रांगोमानि आदार सानसे हरखौनो बेसेबा लामा नायो बियो 1432 सिमांफोरखौ आरो गोदोना सेरथेदोँ आला दिङा गोजानाव गोसोम सिमांखौ 1432 गोबां बोसोरनि उनाव गोबां मुगा थांबाय गोबां हाथियार जमा जाबाय आंनि जिलिख' 1433 आं आगान होबाय दावहानि मोखांजोँ- देरहाथारनांगौ बेबादि नङा दावहा नांथारगोन बेसो 1434 मुलुगनि थाखाय सिमां आंनि गोरबो आंखौ नङा रायजोखौ रैखा होनो 1435 सिमांखौ सुजुनो मिजिँ दाफुंनो दावहा नांगोन बेनो आंनि थांखि 1436 सिमांखौ रनसायनो मोकथांनि लामाजोँ बेसेबा रंजानाय मिजिँजोँ आगान होबाय आं 1437 बारनाय फुंनि बारा आंखौ बिलिरो दुंयाव जिउ लामायाव गोजोना गांखं बुब्राबो 1438 देरगाथाव बाथ्राया बेनोदि आं फांसे बिफां थुनलाइबायदि जिउ आंनि सोरगिदिँ जिउनि हां 1439 मुगानि बाथ्रा नङा आंनि सेरावनो जिउ साना थाङोब्लाबो गले गले फैफिनो 1440 दिनै आं नुदोँ गाबोनबो जिउआ जिरायफैयो थाखोमायो बेसेबा गेलेयो 1441 गथ'फोरा गाखोफैयो गिदिँलांफिनो फिन फैफिनो फुंनि उनाव फुं-बेलासि दाउसिना बाफैयो 1442 आं गोसोखांनो नाजालिया मुगा सिमां थांबाय गाबनाय मिनिनाय हाजार अखाफोर गिदिँबाय 1443 खानाफोरबायदि मेगन गैया आंहा बबाबायदि गोरबो दंब्लाबो अदेबानि आं जाम्बा नङा 1441 आंनि फाफ्लियाव बादिँग्लायो आंनि थिखिनियाव दाउसिन गोरबोआव बिसोरनि मेथाइ सायायाव हंख्रदो जिउ 1445 बिसोर नुवा आंनि दुखु खोमसिनि मोदान्नाय आं मुवाफोरखौ मस्रायदोँ आं खोमसिनि बाह्राथार 1446 सानजा सोनाबनि गोरबोआव मिथिया अदेबानि सोरां सोमखोर बुहुमनि 1447 बेसेबा समायना सोनाबनि सान दोबैनाय आं बुंनो हागौ हरनि खोमसिया समायनासिन सैनायनि दुखुनिफ्राय 1448 बेसेबा गोजोन बाराव आं बिरलाङो उदां गोरबोजोँ अख्रां सायाव 1449 फ्रि फ्रि बिलाइनि मेथाइयाव दाउसिन रंजानाय आं रंजायो बिसोरनि रंजानायाव 1450 गोदै मिजिँआव गोदै जिउनि हाबिलाया गांखं बुब्राबो जिउनि थाखाय मुलुगाव