थरथिँसे गसरनाय थै
R
Ronjoy Brahma
0
Altın Yaprak
मासेबां दुखुयै रंजाथाव बे
बिमानि थाखाय,
थै फसरना जोनोम होनाय,
खष्टयै जोनोम होबाय फिसा
थै फसरना गावनि,
खुसि अब्लाबो-
फिसानि मोखां नुनानै।
बिमाया फिसानि गोजोन नागिरनानै-
फिसाया बिमानि नंलिया आंगो
गाब्बाय दुखुआ आयलि जायलि
गोसो खाङै- अननाय बिलिरनाय
फेदेरनाय फोरोँनाय।
फिसाया थिफुद्ला खावख्लाबसे रोँनाय लानानै
बिमानि इयुन फोजोबनानै।
सुबुंनि मोखांआव बिनि मोदै
बिमानि सासेल' फिसा
फिसाया अनसायनाय गैला,
बिमाया आरो इयुन गेला,
आबाद दुब्लियाव गोलोमदै थरथिँला
आबाद दुब्लिया बाला स्राव
बुसाव फैबाय,
इयुन गैला जेराव
बिसोरहा गोलोमदै गैला।
फासिनि दौलेँआ जायाखै आत्मा
रेलनि साखायाव बिनि थरथिँसे थै।
खारदोँ बेसेबा फैसालियाव
दिनै फिसानि उन्दुग्रा एमाव,
गसरनाय थै लामायाव
आगान मोनफ्रोम थरथिँ थरथिँ
साया माया बिमानि-
थरथिँसे गसरनाय थै
फिसाया दासो खर' गिदिँदोँ
बिमानि खोथा सानबायै।
Bu şiiri puanla
Henüz puan verilmemiş