थरायना बाला चैनारिखौ मोजां मोन्नानै

(हुरागासे) आं फाग्लाबादियानो जालांबाय, सिमांआव मोकथांआव चैनारि चैनारि बुंलांबाय। एखमबा नेना थाहैयो कृष्ण सुरानि बिफां सिंआव, एखमबा नेना थाहैयो मिनि खुसि दैसा सेराव। थाथिर गैयै गोसोआव बार जाना बिरलाङो- जोमै जाना लोगो हमनो- दाउसिन जराबादि बिरबायनो। (दिनै) नाथाय आं लखबावसो, नोरोकनि मोनसे थाम्फै सान्थ्रिनि बेँनायाव। बिसोर आंखौ दैमायाव गारहैबा हामगौ (बुरलुंबुथुर नङाबा बख्रबाव) बेयाव आं गोजोन्नो हागौ, बिसोर आंखौ बिफांआव आलायबा मोजां, नुनो हागौ आं सिमां। नाथाय बिसोरो आंनि सान्नायनि उल्टा बिसोर आंखौ बुथारा, साफानि उनाव साफायै बिसोर आंखौ रायदाव फैदोँ। बिसोरनि हिसाब लायै लायै आं नोँखौ बावगार लाङो चैनारि सैनाय! नोँखौ गोसोखांनो हाया हाया मोनो। थेवबो सना नोँखौ मोजां मोनो बेनो आंनि थांना थानायनि बोलो। बिसोरनि अनजिमाखौनो सान्नानै आं सानसे देरहागोन, बिसोर मिजिँ हाबिलासखौ बुजिगोन बिसोरजोँ जुजिनो आं हागोन, आं सानसे देरहानोबो हागोन।