दावगानायानो जोँनि हाबा
R
Ronjoy Brahma
0
Altın Yaprak
बेसेदि उन्दुनाय मेंनाय
गोसोआव गिनाय आरो बानाय
थेवबो थांथार नांगोन जेब्ला
दावगानायानो जोँनि हाबा
जिउ जोनोमनि जोँहा सिनायथि दं
गुमुर होनांगोन बुहुमाव आन्दायोब्ला
बिखा आरो गोरबोआव लानानै बोलो
उदांस्रि लाबोनांगोन आखाय थारखायाव
दावगानायानो जोँनि हाबा
सिखांदो हावरिया-मावरिया दुखुथियाफोर
मोदैनि हाब्रुआव गब्रनाय
बे गाथोनखौ बारलांना उदां फोथाराव गसंनि
सोबखजानाय मोनजारोङै फिसाफोर
उदांस्रिनि थाखाय जोँ हायो
थैजोँ सुजुनो सोमखोर दुब्लि
सिखांदो गासैबो थैनाया फैब्लाबो
बे हादोरनि गोथार हाब्रु-हाद्रिखौ
गावनि मोदोमाव फुन्ना लागोन
दैमा-दैसानि दैखौ ग्रद लोँगोन
उदांस्रिनि थाखाय आगान फोलावदो
Bu şiiri puanla
Henüz puan verilmemiş