उदां हास्थायसुला सिमां
R
Ronjoy Brahma
0
Altın Yaprak
सानसे समाव आं नोँनि सिगांआव गसंगोन
आरो गुरैयै नायगोन नोँखौ
नोँनि मेगनाव आंनि मोजां मोन्नाय
जेब्ला गुसु बोथोरा थुंगे फैयो
खोमसि जोमैखौ साना खामगोन
खर'सानि गेवलां अख्रांनि सिङाव
आं थाबायलांगोन नोँजोँ लोगोसे
बारलां बोथोरनि सुदेम बिबार बारियाव
जुब जुब अखाया जेब्ला लासैनो हागायो
लैथोमाया फैला बुसावनायखौ नागारो
गाथोनाव जोँ बेखौनो नेनानै थायो
रुगुं दावबायारि जिउ दिङायाव जनानै
जोँ थाबायदिँना थांगोन लासै लासै
अलंबार नुजानाय सोरांनि फर फर
अखाफोरनि रैरुबु गोजोन सोरांआव
उदां हास्थायसुला सिमांआ अरायबो
बेबादि उदांस्रिखौनो आं लुबैयो
दालायाव बानानै गोजोन गोदै उदाङै
रोजाबनो हायो जेरै दाउसिनफोर
खालाइ जाया दैमा-दैसाया
अमासि जाया बयनिबो आबुं बोथोरा
Bu şiiri puanla
Henüz puan verilmemiş