بلالی باش

یار گونومی گؤی اسگییه توتدو کی دور منی بوشا جوتچو گؤروبسه ن اؤکوزه اؤکوز قویوب بیزوو قوشا سن اللینی کیچیب یاشین من بیر اوتوز یاشیندا قیز سؤیله گؤروم اوتوز یاشین نه نیسبتی اللی یاشا سن ییره قویدون باشیوی من باشیما نه داش سالیم بلکه من آرتیق یاشادیم نییله مه لی دیدیم یاشا بیرده بلالی باش نچون یانینا سوپورگه باغلاسین بؤرکو باشا قویان گرک بؤرکونه ده بیر یاراشا بیرده کبین کسیلمه میش سن منه بیر سؤز دیمه دین یوخسا جهازیمدا گرک گلییدی بیر حوققا ماشا دیدیم قضا گلیب تاپیب بیر ایشیدی اولوب کیچیب قوربانام او آلا گؤزه حییرانام او قلم قاشا منکی اؤزومده بیر گوناه گؤرمه ییرم چاره ندیر پیس بشرین قایداسی دیر یاخشی نی گؤرسه دولاشا دوستا مروت ایتمه لی دوشمه نیله کیچینمه لی قایدا بودیر حییف دیگیل بشر یولون آشیب چاشا من ده سنین دای اوغلونام سن ده منیم بی بیم قیزی گؤنول باخیرسا گونه شه گؤزده گرک بیر قاماشا ایندی بیزیم مارال کیمی اوچ بالامیز واردی گرک آتا – آنا ساواشسادا بونلارا خاطیر باریشا هر کیشی یه عیالی دا اؤز جانی تک هؤروکلنیب هدیه ده اولماز ایله سین عیالی قارداش قارداشا بو دونیا بیر یول کیمی دیر بیز آخرت مسافیری کجاوه ده هاماش گرک اؤز هاماشینان یاناشا آخیرتی اولانلارین دونیاسی غم سیز اولمویوب سیل دی گله ر آخار کیچر آمما گرک آشیب – داشا مثل دی ییر کی برک اولور اؤکوز اؤکوزدن اینجییور هی دارتیلیر ایپین قیرا یولداشیلا بیر ساواشا بیزیم ده روزیگاریمیز یامان دی بیزده عیب یوخ بلکه وظیفه دیر بشر قونشولاریلان قونوشا حق حیات یوخ داها بیزلره چوخ بؤیوک باشی زندانیمیزدا حققیمیز بیر باجا تاپساق تاماشا آمما اونون شماتتی آللاها خوش گلمیوبن گیتدی منیم حیاتیمی ووردی داشا چیخدی باشا