گوزوم آیدین
ش شهریار
0
Altın Yaprak
گوزوم آیدین گورورم سوگلی قارداشلاریمی
باسمیشام باغریما یوز دوغما قارینداشلاریمی
آچمیشام قوللاری خلقیمه اوزوک حلقه سی تک
سالمیشام حلقه یه قیمتلی اوزوک قاشلاریمی
فلکین چرخینی سیندیرمیشام اول داشدا
اته گیمده هله ده ساخلامیشام داشلاریمی
آچمیشام قرنمیزین باغلی قالان یوللارینی
تاپمیشام یوز سنه غربتده کی یولداشلاریمی
بو سلیمان دی یانیمدا گوره سن من اینانیم
گاه آچیپ گاه قییرام گوزلریمی قاشلاریمی
ییغیشین شنلیک ایده ک قرنمیزین بایرامدیر
سیل گوزیمدن بو یوز ایلدن بری گوز یاشلاریمی
یوز یاشیم اولسادا اولسون یوخ اوزومده قیریشیم
جوانام کیم نه بیلیر گیزله دیرم یاشلاریمی
قوچی قربانلاریمی کسدی وطن اویناشیمیز
قانیمی خیرات ایدر کن یدی بوزباشلاریمی
آنا اویناشیمی غیرت گوزی گورسه کور اولور
من نه گوزله گوره بیللم وطن اویناشلاریمی
گیده لیم قافقاز اوشاقلارینی تجلیل ایده لیم
شهریاریم دارا ساققلاریمی ساشلاریمی
Bu şiiri puanla
Henüz puan verilmemiş