هارا قاچسین اینسان؟

جانا گلمیشیک بیز بو جانان الیندن که نه انس امان تاپدی نه جان الیندن مسلمانه باخ دین و ایمان قان آغلیر بو دین سیز ایمان سیز مسلمان الیندن بو شیطاندی بیز آدمی گویده تولار قاچا بیلمز آدم بو شیطان الیندن آلار اول ایمانی سونداندا جانی نه ایمان قالار دیبده نه جان الیندن قاریشقا کیمی دیو نژادی قیمیلدیر که خاتم چیخیب دیر سلیمان الیندن بادمجان چوخی بازیلاردا کوچوکلر دا ترپشمک اولماز بادیمجان الیندن خوروز تک بیزی دنله ییب قورتایبدیر چینه قالماییب نو چیکدان الیندن پناه اولسا بیز خلقه کافر قوی اولسون سیخینتی دوشه ک کفره ایمان الیندن گیدیب چٶلده کی حیوانا یالواردیق که گلسین بیزی آلسین اینسان الیندن ایله تورشادیب ایرانین عیرانین که گٶزللر گٶزی یاشدی ایران الیندن سالیب دیر اله سانکی موسا عصاسین قاچیر اژدها لر بو ثعبان الیندن نه سلطانلار اولوش الینده اویونجاق نه گلسین اویونجاقلی سلطان الیندن بیش- اوچ باش بیله ن ده قالیرسا اوشاق تک قاچیب گیزله نیب لر بوخورتان الیندن ایویم زندانیم مٲموریم ٲوز ایچیمده هاراقاچسین اینسان بو زندانالیندن بیزاینسان اولاق یا که حیوان امان یوق نه اینسان قوتارمیش نه حیوان الیندن نه دیولر که قیطانلا زنجیر له نیب لر قنف لر قیریلمیش بو قیطان الیندن سالیب خلقی درمان آدیلن نه درده که درد آغلاییر بیله درمان الیندن او بیگ خان یازیقلار نه اینسانیمیشلار عبث آغلیاردیقاو بیگ خان الیندن ویرردیک قدیم دیوانا عرضه ایندی کیمه عرضه ویرمک بو دیوان الیندن نه طوفانه راست گلمیشیک بیز مگر نوح گله قورتارا خلقی طوفان الیندن