یاتا بیلمه ییرم
ش شهریار
0
Altın Yaprak
بو گیجه من کی یاتا بیلمه ییرم باشی باشلاره قاتا بیلمه ییرم
یوخوسوزلوق منی قاتلاشدیردی من بو نامرده باتا بیلمه ییرم
اؤغری قالدیردی قازان – قابلامامی کیم ال آتسین حاجاتا بیلمه ییرم
اؤغرونون کیم ییتیریب اؤمباسین ازیخلیا بیر زؤپاتا بیلمه ییرم
آیلیق آلدوق ا ویردیک گیتدی نه یییه ک ای وای آتا بیلمه ییرم
ده ده میز یؤخ کیمه چکمک باراتی کیمی سالماخ باراتا بیلمه ییرم
جیب ده قالمیشسادا بیر بیش ماناتیم نه آلیم بیش ماناتا بیلمه ییرم
ده لی شیطان دییری یؤرقانی سات قیشدی یؤرغاندی ساتا بیلمه ییرم
قار دیییر گل کیشی سن پامبوغ آتاق کیشی من پامبوغ آتا بیلمه ییرم
هی گلیب مندن آلیرلار شتلی کیم سالیب مازی ماتا بیلمه ییرم
زندگانلیق قؤراتا بیر شییی اؤلوب یه لازم قؤراتا بیلمه ییرم
بیر سوموک دور کی بؤغازلاردا قالیب کیم آتا یاکیم اوتا بیلمه ییرم
قار- یاغیشدا بونه قؤندوم – کؤشدوم نیه دوشدوک بو اؤتا بیلمه ییرم
بو کتابلار یؤزی بیر آت یوکودور بونی کیم چاتسین آتا بیلمه ییرم
چای سیزام تاپمیورام چای پاکاتین نه گلیب بو پاکاتات بیلمه ییرم
هی سؤیوقدان قورولوب بیگ دورورام کیمدی یینگه - موشاتا بیلمه ییرم
ال کی دوتمور یازام ال تاپاقدا قلمه یا داواتا بیلمه ییرم
گیجه میز صبح اؤلاجاق یا هله وار باخیرام هی ساعاتا بیلمه ییرم
قوش اوچار آمما نه درمان ایله مک داش ده گن قؤل قاناتا بیلمه ییرم
آی قاداشلار منه بیر ال ییتیرون یوک آغیرلاشدی چاتا بیلمه ییرم
طبع شعریم دایانیب سؤنجوق آتیر من ده کی سؤنجوق آتا بیلمه ییرم
Bu şiiri puanla
Henüz puan verilmemiş