Suna Hay... (Urdu) ! ! !

Suna tha ik nai taqdeer ki tashkeel honi hay Suna tha ab k aangan ki faza tabdeel honi hay Suna tha aasman se adl ki zanjeer latkay gi Suna tha her pareshan haal ki taqdeer chamkay gi Suna tha aashti k mehrbaan baadal jo barsen gay Masaiyl sir chhupaanay ki jagah lene ko tarsen ge Suno! hay ab kahan her waqt jaadu ki chhari chalti Suna hay chund barson me koi mushkil nhi talti Suna hay sabr ka daaman abhi thaamay hi rehna hay Suna hay jis k aadi hen ussi mushkil ko sehna hay Abhi ummeed na baandho abhi mushkil me rehna hay Suna hay apna ghar abb bhi andheron me hi rehna hay Yateemon ki tarha thehro, hareefon ki hukoomat hay Pareshani ki nobat kiya, shareefon ki hukoomat hay Khabar gardish me he wo hi puraanay baaghban hon ge Suna hay phir wo hi chehray hamaray hukmaran hon gay!