ମିଳନ ର ରଙ୍ଗ- 12 (Milana Ra Ranga -012/Odia Poem)
S
0
Altın Yaprak
ତମ କଥା ଭାବି ଭାବି
ରାତି ସରିଗଲା,
ଆଖି ଆଗେ ରଖି ତମ
ସଜ ପ୍ରତିଚ୍ଛବି-
ତୁମ ଚାହାଣୀ ରେ ଭିଜି
ମନ ଓଦା ହେଲା,
ସ୍ମୃତି ର ଗାଲିଚା ଭର୍ତ୍ତି
ନୀଳ ତୁମ ଛବି ।
ଆଜି ରାତି ସାରା ତମେ
ସପନେ ଆସିବ,
ମୋ ଅତୀତ ଦୁନିଆ ର
କବର ଗଢିବ,
ଯନ୍ତ୍ରଣାକ୍ତ ସ୍ମୃତି ସିକ୍ତ
ଅତୀତ ର ଦେହ,
ଲୁଚି ଯିବ ସେ କବରେ
ଅବଶିଷ୍ଟ କୋହ ।।
ତମ ହାତେ ପୋତା ଏଇ
କବର ଭିତରେ
ଫିଙ୍ଗି ଦେବି ଯେତେ ସବୁ
ଜ୍ୱାଳା ମୋ ଅନ୍ତରେ
ତମ ନୀଳ ପରଶ ରେ
ଏ କବର ତଳୁ,
ଜନ୍ମ ନେବ ନୂଆ ସ୍ୱପ୍ନ
ଜୀର୍ଣ ମାଟି ତଳୁ ।।
Bu şiiri puanla
Henüz puan verilmemiş