Andiamo! verso l'ideale!

Dins lou fini dóu tèms fasèn nosto virado..... Passan — qu’enchau en que countrado! — Passan mai vite que lou vènt Subre la terro di vivènt..... E passan, de countùnio atira vers li cimo!.... Urous quau se laisso atira En aut, liuen dóu neblun, vers la lus clarissimo, Ounte es lou Benurant emé li Benura! En aut, nosto fam s’apasimo, Aquelo fam dóu bèu que tant fai souspira!... En aut, lis esperit — coume Dante Alighièri Nous n’esclargis lou dous mistèri, — Lis esperit, que movon l’univers, Atira ’n Diéu qu’es sa finalo Encauso, En Diéu atiron tout sènso repaus ni pauso;