Dil Men Bus Thoda Sa Allah Ka Dar Paida Kar!
A
0
Altın Yaprak
jo bulandee tujhe baKhshe woh hunar paida kar
' jo kisee dar pe nah jhukta ho woh sar paidaa kar '
buGhz.o.keena ki kahiN jismeN na ho gunjaaiish
woh moHabbat se mahakta huuwa ghar paida kar
Hum nafas ishq ki raahoN pe agar chalna hai
tu gham-e ishq ko sahne ka hunar paida kar
Khuwahish-e jurm se mil jayegee pal bhar men nijaat
Dil meN bus thoda sa Allah ka Dar paida kar
Dost to dost haiN dushman bhi kareN tujhse pyar
Aisa dil aisa jigar aisee nazar paida kar
sub ke gham le ke Khushee apni jahaN ko de dey
Sub tujhe apna kaheN aisa hunar paida kar
'Arzoo' jaisee bhi ho teri hi bundee hai Kareem
Ab tou uskee bhi duaoN meN aSar paida kar
© Aarzoo Mehek
Bu şiiri puanla
Henüz puan verilmemiş