Kaash Aisa Ho!

Tere daman pe kabhi gham ka na saaya utre Ye na ho tu bhi kabhi hijr ki raatein dekhe Tujhko bhi dard ki waadi se guzarna ho kabhi Jispe chalte hue ik umr guzaari main ne Teri yaadon main jale meri wafaon ke charaag Jinki lau main tujhe nazar aaye mere maah.o saal Meri betaab mohobbat mere gumgashta sawaal Mere ansoo mere jazbaat tamannain meri Tere raste main na haail kabhi hone paaye Gham se do chaar kabhi tu ho na wo din aaye Jis tarha tune mujhe ishq main ghaail rakha Jis tarha tuune mujhe sabr pe maail rakha Ye na ho tu bhi kabhi shaam.e tarab ko tarse Tujh ko tadpaai tere safar ki wahshat Tu bhi aalaam ke jungle main kahin kho jaaye Koi mushkil tere raste main khadi ho jaaye Apni ankhon main kai ashq pirooee tu bhi Ye na ho meri tarha tooT ke roye tu bhi Tu bhatak jaai kahin gard.e safar main apni Laut ke aaye to kuch bhi na bacha ho baaqi Mujh ko paane ka bhi imkaan na raha ho baaqi Ye na ho ankh tujhe neend se gaafil rakhe Tujh ko meri tarha har dard main shaamil rakhe Kaash aisa ho ke tu laut ke aaye jab bhi Teri ankhon main mere khwaab ki tasweer bhi ho Tere haathon main mere pyaar ki tehreer bhi ho © Aarzoo Mehek