Âgâz-ı Gazeliyyât 105
A Agah
0
Altın Yaprak
Dil mübtelâ-yı mâhlikâlar degül midür
Dehri harâb iden bu belâlar degül midür
Bâlâ-yı câna pîrehen-i cismi çâk iden
Ser-tâ-kadem bu teng kabâlar degül midür
Agyâra hem-dem oldugun ey mâh duymuşuz
Şimdi bize bu tâze edâlar degül midür
Vakt-i vedâ‘-ı yâr serâsîme eyleyen
‘Uşşâk-ı bî-nevâyı du‘âlar degül midür
Âgâh gibi tâze-zebân çâkerün ola
Sen söyle müstehakk-ı ‘atâlar degül midür
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş