Âgâz-ı Gazeliyyât 109
A Agah
0
Altın Yaprak
Dil-hastelerin birine hem-derd degüldür
Derdi o perînün çekilür derd degüldür
Mânende-i zâr atmasını ortaya çok da
Bâzî-i mahabbet â gönül nerd degüldür
Bilmem biri gözine sokar hâr idicek çarh
Ehl-i hünerün binde biri verd degüldür
Takvâ mı ver‘a mı dayanur zûrına zâhid
Zinhâr ki rez duhteri nâ-merd degüldür
Rengîn suhanum berg-i hazân-dîde görünmez
Âyîne-i insâf eger zerd degüldür
Âgâhveş âzâdeligün kadrini bilmez
‘Âlemde o kim gâ’ile-perverd degüldür
Kamu malı: şairin ölümünün üzerinden 70 yıldan fazla geçti.
Bu şiiri puanla
Henüz puan verilmemiş